Festat në Korçë

“Prenotimet kanë filluar që nga muaji tetor me telefon dhe rrjetet sociale. Interesi ka qenë shumë i madh. Shumica kanë qenë shqiptarë, por ka edhe të huaj që vizitojnë Korçën në këtë prag festash”, thotë Eriketa Koçollari, menaxhere hoteli.

“Ne si hotel për natën e Krishtlindjes i kemi të mbylluara dhomat, janë të gjitha të rezervuara”, deklaron Orjana Xama, një tjetër menaxhere hoteli.

Për thuajse 4 mijë turistë që kanë zgjedhur Korçën, bashkia  ka organizuar një seri aktivitetesh.

“Do të kemi një koncert, që tashmë është shndërruar në traditë, koncertin e korit Lira, parada e Babagjyshëve, paradë tradicionale me 100 Babagjyshë të vegjël. Do të ketë aktivitet interesant në bashkëpunim me Shoqatën e Aeronautikës, që është fluturimi i Babagjyshëve, që do të bëjnë fluturime me parashutë nga maja e Moravës me zbritje drejt qytetit”, thotë kryebashkiaku i Korçës, Sotiraq Filo. 

Në qytetin juglindor, me tradita të njohura të mikpritjes në çdo stinë, bashkia po synon të rinovojë disa prej aseteve historiko- kulturore, të cilat të ndërthurura edhe me bukuritë natyrore  pritet të shtojnë të ardhurat nga turizmi.

Top Channel