Partizani-Kukësi, 220 forca policie për sigurinë e ndeshjes
06/12/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Policia e Elbasanit ka publikuar masat e marra për ndeshjen e kategorisë Superiore Partizani-Kukësi, e cila do të zhvillohet ditën e sotme në orën 17:00 në stadiumin “Elbasan Arena”.
Policia njofton se prej orës 16:00 nuk do të lejohet parkimi i automjeteve përreth dhe përballë stadiumit. Nga “Kryqëzimi i Romëve” deri tek “Kryqëzimi i Tapetave” nuk do të lejohet parkimi dhe qarkullimi i mjeteve. Lidhur me ndeshjen do të angazhohen 220 punonjës policie, nga Drejtoria Vendore e Policisë Elbasan, Komisariatet vartëse të saj dhe FNSH-ja.
Të gjitha lokalet që ndodhen përreth stadiumit, nga ora 16:00 dhe deri në përfundim të ndeshjes, të marrin masa të jenë të mbyllura, thotë policia.
Drejtoria Policisë Elbasan i kërkon qytetarëve që të minimizojnë lëvizjen e tyre me automjet brenda qytetit.
Top Channel
