“Verë në Epidam”, festivali artistik që po zhvillohet në Durrës, është zhvendosur nga arena në galeritë e Amfiteatrit Antik. Në njërën prej tyre është çelur ekspozita fotografike e artistes Soela Zani “Edhe unë jam një vepër arti”, e cila ka në fokus fëmijët me sindromën “down”.

Ndërsa në një tjetër galeri gladiatorësh, të improvizuar në sallë kinemaje, u shfaqën tre filmat me metrazh të shkurtër, “Buka”, “Ana” dhe “Mëngë këmishe”. Krahas filmave u shfaq për publikun edhe dokumentari historik “Dinastia Tedeskini” i regjisores Anila Varfi dhe ai biografik “Humanisti i heshtur” i realizuar nga Merita Cocoli, si premiere në këtë festival.

Të realizuara nga regjisore dhe skenariste gra, materialet u mirëpritën nga publiku për faktet historike, jetësore, si dhe mesazhet që përcjellin.

Top Channel