Fier, sherr me armë të ftohta në mes të dasmës

17/08/2016 00:00

Një ngjarje e rëndë është verifikuar pasditen e kësaj të mërkure në Fier, ku një konflikt fillimisht verbal ka përfunduar në përdorimin e armëve të ftohta.

Ngjarja ka ndodhur në fshatin Radostinë, në një lokal ku po zhvillohej një ceremoni martesore, bëjnë të ditur burime policore lokale.

Sipas burimeve, rreth orës 17:20, shtetasit A. Bajrami dhe K. Pashko, përkatësisht 21 dhe 33 vjeç janë konfliktuar me tre persona të tjerë, banues në Radostinë, duke përdorur mjete prerëse.

Agjentët e policisë që kanë mbërritur në vendin e ngjarjes kanë bërë shoqërimin e dy agresorëve, ndërsa po punojnë për zbardhjen e rrethanave të këitj episodi.

Ndërkohë, shtetasit e lënduar, të identifikuar me inicialet L.S, A.S dhe G.N, përkatësisht 54, 19 dhe 25 vjeç, janë shoqëruar në spitalin rajonal të Fierit ku ndodhen jashtë rrezikut për jetën.

Top Channel