Basha në zyrën e Metës, diskutojnë për Vettingun
01/08/2016 00:00
Emri/ Meta gjen “Maqo Lakrorin” e tij që do ta “rivalizojë” për President në Konventën e 27 prillit 24/04 14:34
Politika është në pritje të afateve kushtetuese për të votuar vetingun dhe ligjet e tjera organike të paketës së reformës në drejtësi dhe data 1 gusht ka gjetur në Tiranë dy prej aktorëve kryesorë të saj.
Lulzim Basha dhe Oerd Bylykbashi hynë sërish në ambientet e Kryesisë së Kuvendit të Shqipërisë ku u takuan me kryetarin e Kuvendit, Ilir Meta.
Në deklaratën e shpërndarë nga kreu i Kuvendit thuhet se me Bashën dhe Bylykbashin “u konsultua për mënyrën e miratimit sa më të shpejtë dhe me konsensus të Ligjit për Vettingun”.
“Në takim u dakortësua në parim nevoja për miratimin me përparësi, brenda muajit gusht të Ligjit për Vettingun, si dhe mbi kalendarin e shqyrtimit të këtij ligji sipas procedurave kushtetuese parlamentare, duke filluar nga dita e nesërme me mbledhjen zyrtare të Komisionit të Posaçëm për Reformën në Drejtësi”, thuhet në deklaratë.
Në deklaratë thuhet se Meta ka marrë mbështetjen e Bashës dhe se “opozita do të marre pjesë aktive dhe konstruktive në Komisionin e Posaçëm, duke filluar me prezantimin e komenteve të saj për Ligjin e Vettingut në mbledhjen e ditës së nesërme”.
“Kryetari i Partisë Demokratike shprehu gatishmërinë për të avancuar edhe me ligjet e tjera, sapo anëtarët dhe ekspertët e opozitës të njihen me draftet më të fundit të përgatitura nga Komisioni i Posaçëm, veçanërisht Ligji për Prokurorinë Speciale dhe Ligji për Organet e Qeverisjes së Gjyqësorit”, thuhet më tej në deklaratë.
Top Channel
