Në vijim të hetimeve të hapura për koncesionet e Ministrisë së Shëndetësisë, prokuroria pyeti një nga denoncueset për tenderin e check-up, deputeten demokrate Albana Vokshi.
Vokshi thanë burimet, i ka qëndruar të njëjtës deklaratë të dhënë edhe publikisht për tenderin e check-up i konsideruar nga opozita si një aferë korrupsioni, ndërkohë që nën hetim janë edhe tenderat për hemodializën dhe ai për sterilizimin e pajisjeve kirugjikale.
Më herët në prokurori është pyetur edhe zv.ministri i Shëndetësisë Klodian Rrjepaj, ndërsa u është dërguar thirrja për t’u pyetur edhe anëtareve të Komisionit të Vlerësimit të Ofertave.
Njësia task force në Prokurorinë e kryeqytetit do të marrë në pyetje të gjithë emrat që rezultojnë në dokumentacionin e sekuestruar, si njerëzit që kanë hedhur firmën për koncesionet.
Hetimet janë regjistruar për pabarazi në tendera dhe shpërdorim detyre.
Top Channel