Djegia e pyjeve, shfaqen tri vatra zjarri në pyjet e Bulqizës

Dyshohet për një zjarrvënie të qëllimshme duke pasur parasysh faktin që temperatura në këtë zonë nuk kanë kapur ende pikun për të rrezikuar zjarret natyrore. Zona e përfshirë nga flakët ndodhet në një terren të rrezikshëm malor dhe është mjaft e vështirë për të ndërhyrë në shuarjen e tyre.

Ndërsa, paraditen e sotme janë shfaqur tre vatra zjarri në pyjet e njësisë administrative Fushë-Bulqizë në Malin e Bardhë dhe asaj të Temles dhe një tjetër vatër e madhe në Malin e Homeshit ne njesine administrative Shupenzë, të Bulqizës. Zjarri i ndihmuar nga era është përhapur me shpejtësi duke përfshirë qindra hektar pyje.

Burime reparti i emergjencave bëjnë me dije se nuk kanë mundur të ndërhyjnë për shkak të terrenit të vështirë dhe se e vetmja zgjidhje është ndërhyrja nga ajri. Ndërkohë sipas policisë lokale një nga pistat e hetimit është zjarrvënia e qëllimshme për të shtuar sipërfaqet e kullotave.

Top Channel