Hetimet për serverin e Tatimeve, nëpunësi rrëzon ish-ministrin Cani
18/03/2016 00:00
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Gjergji Nestori, përgjegjësi i Sektorit të Zhvillimit të Programeve në Drejtorinë e Tatimeve, nuk ka konfirmuar arsyet e parashtruara nga ish-ministri i Financave Shkelqim Cani, për auditin e kryer në serverin e Tatimeve nëntorin e vitit 2013.
Që në fillim Nestori i kërkoi Komisionit që të mos regjistrohej me fytyrë nga kamerat, kërkesë e cila u pranua nga Komisioni.
“Unë nuk kam dijeni që në 17 vjet që punoj në administratën tatimore të ketë patur probleme sistemi i rimbursimit”, deklaroi Nestori.
Edhe sa u takon verifikimeve në sistemin e serverave për rimbursimin e TVSH-së, Gjergj Nestori pati një përgjigje të ndryshme nga ajo e ish-ministrit Cani.
“Sistemi reflektonte përfundimin e procedurës së rimbursimit, pra bëhej me dokumenta pastaj pasqyrohej në sistem”, thotë ai.
Në dëshminë e tij, Nestori deklaroi se ishte vënë në dijeni të ngjarjes me serverin, kur i kishin kërkuar që të rikuperonte të dhënat e zhdukura nga serveri i Tatimeve, pasi aty më parë ishin futur grupi i auditit i Ministrisë së Financave.
Top Channel
