Ndryshimet në prokurori, Këshilli i propozon Llallës drejtuesit e rinj
17/03/2016 00:00
Skandali në Fiks Fare/ “Vdes për p… dhe lekë”, avokati i kërkon favore seksuale klientes, bashkëpunon me ish-burrin e saj
25/04 20:42
Pak ditë pas lëvizjeve për riformatim të organit të akzuës, Këshilli i Prokurorisë votoi këtë të enjte për t’i propozuar prokurorit të përgjithshëm disa lëvizje të tjera në prokurori.
Shtatë anëtarët e këtij këshilli kanë votuar për kreun e njësisë antikorrupsion Gent Osmani që të jetë gjithashtu zëvendës prokuror tek Krimet e Rënda.
Si numri një i Krimeve të Rënda u komandua në fillim të javës Besim Hajdarmataj, i cili zëvendësoi pas 6 mujave në këtë detyrë Blerim Tominajn.
Po ashtu, Këshilli i Prokurorisë i propozon prokurorit të përgjithshëm Adriatik Llalla që të emëroje si kryeprokuror në Lushnje Çlirim Shahinin, në Sarandë Edison Ademin dhe në Pukë Elidjana Kasajn.
Ajo që bie në sy gjatë riformatimit të prokuroisë është se shumica e lëvizjeve të urdhëruara nga Llalla janë kryer me komandim dhe jo emërim, ndërkohë që përflitet se disa nga dorëheqjet e krerëve të prokurorive janë imponuar nga organi qendror i akuzës.
Top Channel
