Ostren, dhuna ishte e përsëritur
11/03/2016 11:40
Anëtarët e rinj të Akademisë/ Akademiku Artan Fuga ka kritika për 5 emërimet e reja si anëtarë të jashtëm
23/04 21:03
Dhuna ndaj fëmijëve në shkollën e fshatit Orzhanov në Bulqizë, ishte e përsëritur dhe prindërit e fëmijëve ishin ankuar.
Dhuna në gjendje të dehur ka ndodhur që më 4 mars, por vetëm pasi u bë ankesa përtej drejtorisë arsimore të Bulqizës, drejtuesit e shkollës atje reaguan ndryshe.
“Kishte gati dy javë që nxënësit kishin bërë ankesa sporadike për dhunë të ushtruar nga mësuesi”, shprehet drejtori i shkollës, Elez Koçi.
Më pas është realizuar një pyetësor me fëmijët e mitur dhe sërish 4 prej tyre treguan se ishin dhunuar, megjithëse ishin kërcënuar nga mësuesi që mos flisnin. Drejtori dhe nëndrejtori i shkollës, thonë se i kërkuan mësuesit të kërkojë falje prindërve, por ai nuk e ka bërë.
“Pasi ne folëm lirshëm me të doli që ai kishte vënë dorë mbi fëmijët”, shprehet nëndrejtori i shkollër.
Drejtoresha e zyrës arsimore të Bulqizës, Bedrie Manjani thotë se ka qenë në dijeni për ngjarjen që ditën që ajo ndodhi, por sipas saj është dashur ngritja e një grupi pune për të nxjerrë konkluzionet e qarta.
Top Channel
