Një aksident i ndodhur në rrugën nacionale Tiranë-Durrës ka bërë që një numër i madh makinash të bllokohen në të.
Nëpërmjet rubrikës “Ti Raporton”, dikush ka sjellë në redaksinë e Top Channel disa pamje të filmuara me aparatin e tij celular, ku vihet re mjeti i përmbysur, tip kamionçinë, në mes të rrugës dhe forca policie që u vijnë në ndihmë përdoruesve të saj.
Sipas të njëjtit person, makina ndodhet tek mbikalimi në Vorë dhe ngjarja ka ndodhur rreth orës 9 e 40 minuta.
Të gjithë mund të raportoni atë që shihni nëpërmjet numrit të vënë në dispozicion nga Top Channel, duke dërguar një mesazh nëpërmjet aplikacioneve Viber dhe Whats’app.
Top Channel
