Laç, kontroll i policisë, sekuestrohet një arsenal armësh

11/11/2015 17:15

Agjentë të komisariatit të Laçit kanë kryer këtë të mërkurë një aksion, gjatë të cilit kanë sekuestruar një arsenal armësh.

Burime policore lokale bëjnë të ditur se, aksioni u zhvillua pas informacioneve të mbledhura në rrugë operative, në banesën e shtetasit Luan Ndregjoni, në Kurbin.

Gjatë kontrollit blutë e Laçit gjetën dhe sekuestruan 1 armë zjarri gjysmë automatike, mbi 120 fishekë, 2 granata dore dhe dy ndezës granatash.

Nga ana tjetër, shtetasi Ndregjoni u vu në pranga nën akuzën e posedimit ilegal të armëve të zjarrit. Materialet i kaluan Prokurorisë së Lezhës për procedimin e mëtejshëm të çështjes.

Top Channel