Bateri për iPhone që zgjasin 1 javë
24/08/2015 00:00
Një vullkan i fuqishëm është gati të shpërthejë! Ja çfarë mund të thotë kjo për motin dhe klimën 24/04 09:19
Një kompani britanike pretendon se ka krijuar një prototip baterie për telefonat iPhone, me jetëgjatësi pa karikuar deri në 1 javë.
Krijesa e “Inteligent Energy” është një mekanizëm që siguron energji nga djegia e hidrogjenit. Mekanizmi është ndërtuar në miniaturë, aq sa përmasat e një baterie iPhone 6.
Kjo bateri është e ngjashme me bateritë standarde, përveç mënyrës së karikimit, ku nuk përdoret elektriciteti, por një pajisje hidrogjeni e posaçme, që e furnizon për pak minuta. Bateria “ushqehet” përmes një pajisjeje të posaçme me hidrogjen, ndërkohë që ka pas disa vrima që i lejojnë të çlirojë hidrogjenin e djegur.
Kompania britanike është e njohur në fushën e prodhimit të pajisjeve që prodhojnë energji përmes djegies së hidrogjenit, por asnjëherë më parë nuk kishte mundur të realizonte një pajisje në përmasat e një baterie telefoni.
“Në dijeninë tonë, kjo nuk është bërë më parë”, thotë për Telegraph, kreu i kësaj kompanie, Henri Winand.
Top Channel
