Periscope regjistron 10 milionë përdorues
13/08/2015 00:00
Mos u habisni, një studim i ri ka zbuluar se dhelprat ishin miqtë më të mirë të njerëzve! Në një varr 1500-vjeçar gjendet… 12/04 08:19
Periscope, aplikacioni i Twitter që u jep mundësi përdoruesve të transmetojnë drejtpërdrejt video në smartphone, në gusht ka shënuar plot 10 milionë përdorues. Programi doli në fund të marsit për iPhone dhe në maj për sistemin Android.
Shoqëria thotë se aplikacioni numëron gati 2 milionë përdorues në ditë, duke parë video me një kohëzgjatje të përgjithshme prej 40 vitesh, pra, mbi 350 mijë orë. Me këto numra, Periscope duket se është një hap para rivalit, Meerkat. Të dy programet dolën pothuajse në të njëjtën kohë, por nuk kanë të njëjtën popullaritet.
Sipas të dhënave të App Annie, të martën e kaluar Periscope ishte aplikacioni i tetë më popullor në kategorinë e rrjeteve sociale në Google Play dhe i nënti në App Store të Apple. Ndërsa Meerkat ka arritur dy milionë përdorues në maj dhe ndodhet në vendin nr. 186 në Google Play dhe 316 në App Store.
Top Channel
