Avioni me energji diellore është ulur në Hauai pasi kreu një fluturim historik rreth 8 mijë kilometra nëpër Paqësor, nga Japonia.
Piloti zviceran Andre Borschberg e ka ulur avionin rreth orës 06:00 , me atë lokale, në aeroportin “Kalaeloa”. Avioni fluturoi për rreth 118 orë, duke shfrytëzuar vetëm energjinë diellore.
“Solar Impulse 2” u pilotua nga zvicerani Borschberg, njëri prej dy konstruktorëve të tij. Me kalimin e Oqeanit Paqësor, që është faza më e gjatë e udhëtimit.
Borschberg, theu rekordin e aventurierit amerikan Steve Fosset, i cili në vitin 2006 fluturoi për 76 orë në një avion njëvendësh.
Avioni e nisi udhëtimin nga Abu Dabi, i cili është edhe destinacioni i fundit i tij. “Solar Impulse 2” është planifikuar të arrijë në Gjirin Persik në fund të korrikut, ose në fillim të gushtit.
Top Channel
