Mjetet dixhitale që ju duhen për udhëtimet e verës

Të gjesh fluturime
Për të gjetur fluturime na vjen në ndihmë Google Flights. Në të përfshihen destinacione të shumta, ku mund të zbulosh shumë gjëra që të tjerët i kanë humbur. Megjithatë, Google Flights nuk është një faqe bazuar në motorin e kërkimit, si paraardhësi i saj, por është i shpejtë dhe i lehtë. Kur dëshironi të shtoni destinacion të shumëfishtë, përshembull, ajo është e aftë të ndryshojë të gjitha lidhjet e fluturimeve, kur ndryshon një destinacion të mesëm të udhëtimit.

Ku të qëndrosh
Shumë persona vitin e kaluar kanë udhëtuar dhe kur kanë arritur në destinacion nuk kanë gjetur dhomë hoteli apo bujtine. Disa madje, ishin dhe viktima të agjencive të ndryshme që u kanë marrë paratë për një dhomë të supozuar, por që në të vërtetë nuk kishte prenotim. Për këtë është aplikacioni i Booking.com. Përveç të tjerash aty përfshihen edhe komentet dhe përshtypjet e personave që kanë qenë në një hotel të caktuar dhe kështu mund të zgjedhësh dhe prenotosh ku të duash. Një aplikacion tjetër është edhe hotels.com, shumë i përdorur në Europë.

Ikje e minutës së fundit
Jo çdo udhëtim mund të planifikohet më herët. Ka udhëtime që të duhet të ikësh në momentin e fundit. Për një fluturim të menjëhershëm është Adioso. Vendosni qytetin tuaj, vendoseni opsionin e destinacionit “Kudo”, selekto të dhënat, dhe do t’u dalin udhëtimet me çmimin bashkëngjitur. Për një prenotim të shpejtë dhome për Android dhe iOS është aplikacioni HotelTonight. Është një burim i shpejtë dhe i vlefshëm. Nëse nuk do të paguash shumë, mund të shohësh për ulje çmimesh pas orës 15.00 në ditën që dëshiron të qëndrosh.

Guidat e qytetit
Guida të qytetit për smartphone ka nga më të ndryshmet, por më të përshtatshemt janë ato të Pocket Guide dhe Trip Advisor. Kjo e dyta ka të gjitha atraksionet turistike dhe muzetë me përshkrimet përkatëse. Ndërsa specialiteti i Pocket Guide është turi i shëtitjes audio. Ti mund të dëgjosh direkt guidën turistike.

Ndihmë shtesë
Të përdorësh taksi gjatë udhëtimit mund të shpenzoni shumë nga buxheti juaj. Shpesh është më e shpejtë, më e sigurtë dhe më ekonomike për t’u përdorur transporti publik. HopStop është një aplikacion që mbulon një sërë qytetesh në të gjithë botën, nga Akron në Amsterdam. Vendosni pikën e startit dhe destinacionin dhe HopStop do t’u japë shërbimin e autobusëve, metrove dhe udhëzimeve të shëtitjes. Mund të përdorësh edhe Google’s Street View.

Top Channel