Krimi kibernetik, ndryshojnë strategjitë

Po krimi kibernetik?
S’ka shumë për të bërë. Me krimin në internet është më e vështirë për policinë të ndjekë një “kriminel” të vetëm. Kjo ka sjellë një ndryshim në mënyrën se si trajtohen krimet hi-tech.

Gjithçka bën fjalë për infrastrukturën, dhe jo individët. “Kjo është pjesë e realizimit mes punonjësve të info-sigurisë, dhe përpjekjeve ligjore që në mënyrë tradicionale për të bërë hetime nuk kanë funksionuar. Mënyra tradicionale e identifikimit të njerëzvë të këqinj, arrestimi dhe burgosja e tyre, nuk vlen në këtë rast”, thotë Steve Santorelli, nga Team Cymru, një organizatë jofitimprurëse që monitoron krimin kibernetik dhe burime të tjera kriminale.

Chester Wisniewski, ekspert i vjetër i sigurisë së kompjuterëve, nga Sophos, thotë se burokracia është arsyeja kryesore. Bashkëpunimi ndërkontinental mes forcave policore është krijuar këto vitet e fundit, thotë ai, por kërkohen procedura për të filluar operacione ndërkombëtare, dhe kjo e bën shumë të vështirë. Tipikisht, vijon eksperti, kërkesat zyrtare për ndihmë mes forcave bëhen nëpërmjet një marrëveshje diplomatike e njohur si Marrëveshja për Asistencë të Përbashkët Ligjore (MAPL).

“Procesi i MAPL mund të kërkojë një vit mes vendeve mike, por mes vendeve që nuk kanë marrëdhënie të mira, ajo mund të mos zbatohet kurrë”, vijon eksperti për BBC-në.

Gjithashtu, MAPL nuk është projektuar për një numër të gjerë çështjes, për të luftuar krimin kibernetik ndërkombëtar. Ai është krijuar për çështje shumë të rëndësishme.

Forcat e policisë kanë gjetur rrugë të reja për të bashkëpunuar ndërkombëtarisht, dhe kjo tregon dhe ndryshimin e taktikave. Tani, ata nuk shkojnë më pas kriminelit, por pas serverave dhe kompjuterët e kompromentuar për të zbuluar krimet.

“Duhet të rriten kostot për ata që merren me këtë punë”, thotë Santorelli. Heqja e serverave, heqja e aksesit në kompjuterat e kompromentuara, bëjnë goxha rrëmujë dhe janë të kushtueshme për kriminelët që të veprojnë.

Top Channel