Kosovë, kryeprokurori fton deputetët e qytetarët të denoncojnë keqpërdorimet e buxhetit
01/06/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Zyra e Kryeprokurorit të Shtetit në Kosovë ka ftuar deputetët kosovarë, që akuzat që i bëjnë në seanca për keqpërdorime dhe dëme të buxhetit të vendit, t’i paraqesin tek organet e drejtësisë.
Përmes një komunikate për media, Zyra e kryeprokurorit i ka inkurajuar të gjithë deputetët, por edhe qytetarët të cilët kanë njohuri për kryerjen e veprave konkrete penale, që t’i denoncojnë ato pranë organeve të ndjekjes, duke dorëzuar çdo informacion që ata mund të kenë rreth kryerjes së këtyre veprave.
Po ashtu, Zyra e Kryeprokurorit u ka kujtuar deputetëve dhe qytetarëve se denoncimi i krimit është edhe detyrim qytetar dhe detyrim ligjor.
Madje sipas nenit 386 të Kodit Penal të Kosovës njohuria për krimin dhe mos denoncimi i tij paraqet vepër penale në vete.
Njëkohësisht Zyra e Kryeprokurorit të Shtetit kujton se neni 390 i Kodit Penal të së Kosovës, sanksionon edhe deklaratat dhe lajmërimet e rreme, duke thënë se për akuza të rreme mund të ketë edhe dënime.
Top Channel
