Nëse ke një smartphone apo smartwatch shumë mirë mund ta integrosh me makinën tënde.
Hyundai thotë se është kompania e parë e automobileve që lancon Android Auto, një shërbim që fillimisht është integruar tek modeli Sonata. Gjithçka çfarë duhet është një program që merret me USB tek pika e shitjes.
Android Auto dhe makina që pritet të dalë, Apple CarPlay, ndihmojnë në parandalimin e shpërqëndrimit të shoferit. Përdoruesit me këtë aplikacion do të kenë akses në Google Maps, të dërgojnë mesazhe, të pyesin telefonin e tyre për informacione, të luajnë muzikë të ruajtur në telefon dhe funksione të tjera.
Dhe këtë ata mund ta bëjnë nëpërmjet tri mënyrave: prekjes së ekranit, kontrollit në timon dhe zërit.
“Android Auto shoqërohet me parimet e dizenjimit të brendshëm të Hyundai dhe sigurisë, intuitës dhe thjeshtësisë”, thotë Dave Zuchowski, administratori i Hyundai Motor America.
Një skuadër xhirimi e “USA Today” ka testuar sistemin e makinës së re. Korrespondenti Chris Woodyard shprehet se është i habitur nga funksionimi i komandave me zë, sepse është mënyra më e thjeshtë për t’u fokusuar në rrugë. Disa funksione janë të ngjashme me ato që kanë vetë makinat, por ajo që e bën të veçantë Android Auto është mundësia për të kërkuar informacion.
Top Channel
