Dublin, Haradinaj takohet me kryeministrin Kenny
21/05/2015 00:00
Kryetari i Aleancës për Ardhmërinë e Kosovës, Ramush Haradinaj është takuar pasditen e së enjtes me kryeministrin e Republikës së Irlandës, Enda Kenny, në Dublin.
Haradinaj dhe kryeministri Kenny kanë diskutuar mbi disa çështje, përfshirë progresin e Kosovës drejt integrimit evropian dhe mundësitë e bashkëpunimit politik e teknik ndërmjet Irlandës dhe Kosovës.
Kryeministri Kenny e siguroi Haradinajn se, Kosova do ta gëzojë përkrahjen e vazhdueshme të Irlandës.
Kryetari Haradinaj po qëndron për një vizitë disaditore në Dublin, ku do të takojë zyrtarë të lartë të shtetit dhe do të marrë pjesë në promovimin e botimit në gjuhën angleze të librit “Haradinaj dhe Haga”, të autorit Michael O’Reilly.
Top Channel