“Komisariati Dixhital”, bum denoncimesh nga qytetarët, mbi 300 ankesa

17/05/2015 00:00

Për pak ditë mbi 300 denoncime për shkelje të ndryshme janë përcjellë nga qytetarët në Komisariatin Dixhital.

Në këtë zyrë, ku ndodhet edhe salla operative e kryeqytetit, të dhënat në të cilat ruhet anonimati i denoncuesit përcillen menjëherë nga policia në komisariatin ku është konstatuar abuzimi.

“Kryesisht zënë vend parkimet e gabuara. Ankesa të shumta ka edhe për muzikën e lartë, të cilat kryesisht janë pas orës 22:00. Më pas kemi edhe ankesa të ndryshme për ngjarje të çastit, për ta cilat ne njoftohemi nga qytetarët. Një hapësirë të madhe në strukturën e ankesave kanë zënë edhe ndërtimet pa leje. Kjo ka qenë një ndihmë e madhe për ne, duke qenë se ankesat na paraqiten me fotografi dhe na e lehtësojnë punën për identifikimin e ndërtesës”, u shpreh Adrid Goxhaj, specialist në Komisiariatin Dixhital.

Aplikacioni gjendet lehtësisht në “Play Store” për telefonat “Android”, dhe shumë shpejt do të jetë edhe për “iPhone”. Përdorimi i tij është në gjuhën shqipe.

Top Channel