Kosovë, punonjësve publikë u njihet përvoja e punës
15/05/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Qeveria e Kosovës miratoi këtë të premte vendimin që u njeh përvojën e punës të gjithë punonjësve që paguhen nga buxheti i shtetit.
Ministri i Administratës Publike, Mahir Yagcilar tha se me këtë rregullohet pagesa për përvojën e punës për të gjithë punonjësit e sektorit publik.
Ndërsa ministrja pa portofol, Edita Tahiri kërkoi që t’u njihet përvoja e punës edhe pjesëtarëve të lëvizjes politike që kanë vepruar në periudhën 1989-1999.
Tahiri tha se, ne këtë rast i referohet dhe vetes së saj, pasi, siç tha ajo, kontributi në atë kohë nuk i është njohur deri më tani.
Kërkesa u mbështet nga ministri i Brendshëm Skendër Hyseni, i cili megjithatë theksoi se duhet të gjendet forma sesi duhet trajtuar kjo çështje, pasi është një numër i madh njerëzish.
Vendimi për t’u njohur përvojën e punës punonjësve të sektorit publik do të ketë implikime buxhetore me në kosto totale prej 30 milionë eurosh.
Top Channel
