Protestë e banorëve të Marinzës. Derdhin qumështin në rrugë: E ndoti kompania e naftës
01/05/2015 00:00
Ndryshimet klimatike prekin vendin tonë, ja cilat janë bashkitë ku parashikohet të ndodhin problemet më të mëdha
30/04 16:02
Në shenjë proteste për operacionet e kërkimit dhe nxjerrjes së naftës në zonën e tyre, banorët e fshatit Marinzë kanë derdhur në rrugë qumështin e prodhuar.
Protesta është zhvilluar para zyrave të kompanisë “Bankers Petroleum”, e cila sipas banorëve, është shkaktare e ndotjes së prodhimeve bujqësore dhe blegtorale të tyre.
“Na thonë qumështin jo, tokën jo, perimet mos i ha… si do të rrojmë ne? Qumështi ynë del me baktere dhe nuk na e marrin. Tani, o të na dëmshpërblejnë ose të na largojnë nga këtu. Nuk i interesojnë problemet tona”, thonë banorët.
Banorët thonë se nuk do të ndalen deri në plotësimin e kërkesave të tyre. Protesta është në vazhdën e protestave që banorët e Marinzës kanë zhvilluar që prej shpërthimit të fontanës së gazit, një muaj më parë.
Top Channel
