Frroku: Nuk njoftova unë Tomën

23/03/2015 00:00

Mark Frroku nuk ka pranuar asnjërën prej akuzave të Prokurorisë, në bazë
të të cilave ajo kërkon nga Parlamenti autorizim për arrestimin dhe
kontrollin e banesës së deputetit.

Krejt ndryshe nga sa thote Prokuroria, qe pretendon se ka provuar se Mark Frroku ka inicuar skenarin e rreme per vrasjen e Tom Doshit, deputeti thote se nuk eshte ai qe ka bere kete njoftim ne gusht te 2014-es. Sipas tij ky person kyç gjendet mes personave qe kane bere deklarata ne media per kete çeshtje.

Mark Frroku nuk jep me shume hollesi per kete personazh, hetimi i te cilit do te provonte se ai nuk eshte i implikuar ne ngjarje.

Nga ajo qe shkruan, Prokurori i Pergjithshem ne kerkesen per arrestim dhe ku permendet nje nga provat qe ka organi i akuzes eshte nje fotografi mes Durim Bamit dhe Mark Frrokut.  Foto e ka detyruar Durim Bamin te ndryshoje deshmi dhe te pranoje se e njeh Mark Frrokun. Por deputeti nuk ben te njejten gje. Ai kembengul se nuk e njeh Durim Bamin dhe se gjate shoqerise se tij me Tom Doshin nuk ka patur njohje me asnje shtetas qe ka kete emer.

Ajo qe vihet re eshte se ne deklarate mungon nje shpjegim i Mark Frrokut per foton e permendur nga Prokuroria. Deputeti nuk ben te njejten gje me permendjen e makines se tij, me te cilen, sipas Prokurorise, Durim Bami eshte shoqeruar ne policine e Durresit.

Sipas Frrokut kjo makine nuk ka qene ne pronesi te tij ne kohen e permendur nga Prokuroria dhe ligjerisht deputeti thote se nuk mban pergjegjesi per menyren sesi eshte perdorur makina pas shitjes. Persa i perket shoferit te Mark Frrokut, ne numrin e te cilit, sipas prokurorise, gjenden telefonata intensive me Durim Bamin, Mark Frroku thote se ai nuk mban pergjegjesi per veprimet e shoferit me te tretet.

Pjesa tjeter e deklarates se deputetit te mazhorances Mark Frroku eshte politike. Sipas tij me standrdin e perdorur nga prokuroria duhet te viheshin perballe akuzes me shume se gjysma e anetareve te Kuvendit, si dhe te gjithe drejtuesit e partive politike ne vend. Duke e cilesuar si nje precedent te rrezikshem kerkesen e Prokurorise per arrestimin e tij, Mark Frroku e quan njesoj te rrezikshem edhe kerkesen per te kontrolluar banesen, gje qe sipas tij, nuk perligjet nga parashikimet e Kodit Penal.  

Deputeti Mark Frroku thote se hetimi ndaj te tij eshte i pavend dhe se te gjitha akuzat e ngritura ndaj tij jane bere per qellime politike.

Top Channel