Rixhirohen skenat e “nxehta” të ‘Fifty Shades Of Grey’

23/10/2014 00:00

Kur duhen më pak se katër muaj nga shfaqja e parë në kinema, Dakota Johnson dhe Jamie Dornan po rixhirojnë disa skena të filmit të shumëpritur ‘Fifty Shades Of Grey’.

Sipas ‘Us Magazine’, producentët nuk janë aspak të kënaqur nga mungesa e pasionit që kanë shfaqur aktorët në skenat e “nxehta” dhe këto skena do të rixhirohen të gjitha.

Një burim anonim tha: “Dakota nuk ka dalë aq seksi sa pritej. Në film ajo duhet të duket naive, jo e përdalë.”

Por, studioja Universal i ka hedhur poshtë zërat për mungesë pasioni mes protagonistëve kryesorë të filmit: “Askush nuk duhet të vërë në dyshim intensitetin që kanë treguar në xhirime aktorët tanë.”

I bazuar në romanin e E. L. James të vitit 2011, ‘Fifty Shades of Grey’ do të shfaqet për herë të parë në kinema në 13 shkurt 2015.

Top Channel