Korçë, sherr me thika në një lokal

Lajmin e bëjnë të ditur burime policore lokale, sipas të cilave ngjarja ka ndodhur në lagjen numër 5 dhe në përleshje janë përfshirë shtetasit Fatmir Rapushi dhe Artur Qamili.

Ky i fundit, mbi 50 vjeç, ka goditur në mënyrë agresive me thikë të parin pas një debati verbal mes tyre, që ka kulmuar me përdorimin e armëve të ftohta.

Burime policore saktësojnë se Artur Qamili ka përfunduar pak çaste më vonë në prangat e uniformave blu, ndërsa Rapushi ndodhet në gjendje të rëndë në repartin e reanimacionit të spitalit të Korçës.

Më herët gjatë muajit, në një sherr të ngjashëm, por mes të rinjsh, mbeti i plagosur një 18-vjeçar nga qyteti i Durrësit. Briken Ibraj u qëllua me armë nga një person, që në prillin e vitit të kaluar e kishte plagosur rëndë së bashku me disa adoleshentë të tjerë, gjatë një sherri në një “internet caffe” në sektorin “Iliria” të plazhit.

Autori i agresionit, 17-vjeçari Ervin Gërguri, njihej si person me preçedentë penalë dhe në harkun kohor të dy viteve të fundit rezultonte i përfshirë edhe në dy ngjarje të tjera kriminale, me pasojë plagosjen me dashje.

Arratija e tij zgjati thuajse 1 ditë, pasi pas identifikimit uniformat blu e gjurmuan 17-vjeçarin në zonat që frekuentonte dhe e vunë në pranga bashkë me bashkëpunëtorin e tij.

Top Channel