Ndërtoi pa leje, pranga kryekomunarit
15/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Policia e Lezhës arrestoi kryetarin e Komunës së Blinishtit i cili dyshohet se ka ndërtuar në mënyrë të paligjshme një objekt 3-katësh pranë një shkolle 9-vjeçaren të zonës.
Arrestimi ndodhi ditën e hënë. Në njoftimin e policisë thuhet se kryekomunari i Blinishtit është prangosur me akuzën e ndërtimit pa leje dhe shpërdorimit të detyrës. Të njëjtat saktësojnë se ai figuronte pronar i një godinte 3-katëshe të ndërtuar në 500 metër/katror pranë një shkolle 9-vjeçare.
Dosja në ngarkim të drejtuesit vendorë do t’i kalojë prokurorisë për hetime të mëtejshme.
Strukturat e Policisë së Shtetit, të mbështetura edhe nga organe të tjera të pushtetit qendror dhe vendor janë vënë në lëvizje për të parandaluar ndërtimet pa leje si dhe për të kontrolluar zbatimin e vendimit të Këshillit Kombëtar të Territorit për pezullimin e lejeve të ndërtimit të lëshuara nga pushtetit vendor.
Top Channel
