Vriten 8 xhihadistë shqiptarë në Irak
13/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Mediat kosovare kanë raportuar gjatë së shtunës për 8 viktima të tjerë në radhët e xhihadistëve shqiptarë në Irak. Shkak i vdekjes së tyre raportohet të ketë qenë një sulm ajror i ndërmarrë nga Shtetet e Bashkuara kundër militantëve të Shtetit Islamik.
Xhihadistët janë identifikuar me emrat e tyre siç njiheshin mes militantësh, si Ebu Sofjani, Ebu Samiri, Ebu Ubajde, Ebu Jusufi, Ebu Sara dhe Abdurrahman, të gjithë këta nga Kosova, si dhe Ebu Aishe nga Shqipëria dhe Ebu Uvejs nga Maqedonia.
Lajmi vjen në një kohë kur sulmet ajrore nga Shtetet e Bashkuara priten të intensifikohen, si dhe të zgjerohen edhe në Siri, pas miratimit të ndërmarrjes së tyre nga Presidenti amerikan Barack Obama. Shtetet e Bashkuara, ndërkohë, po përpiqen të sigurojnë edhe mbështetje sa më të gjerë të vendeve rajonale, si nga bota arabe por edhe nga shtetet fqinje në Lindjen e Mesme, për t’i bërë ballë rrezikut të terrorizmit të shfaqur prej militantëve të Shtetit Islamik.
Top Channel
