Skuadra speciale e FNSH
03/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Skuadra më e re speciale e policisë, një grup i Forcave të Ndërhyrjes së Shpejtë, sipas planit më të fundit të masave në Policinë e Shtetit, do të kryejë kontrolle në të gjithë vendin në mënyrë të beftë, veçanërisht në zonat e etiketuara si vendet ku ndodhin ngjarje kriminale.
Që nga data dy shtator, grupi prej 20 efektivësh patrullon gjatë orëve të natës me automjete civile të cilat kanë mbishkrimin Forcat e Ndërhyrjes së Shpejtë, ndërkohë që agjentët mbajnë maska dhe shenjat dalluese të policisë.
Duke mënjanuar ngritjen e postoblloqeve fikse, me shumë mundësi policia po përpiqet që të përdorë një mënyrë tjetër kontrollesh ndaj personave me preçedentë penalë dhe për kapjen e të shumëkërkuarve.
Nuk jepet asnjë detaj shtesë se cili është qëllimi i këtij plani të ri masash në Policinë e Shtetit. Ndërsa jozyrtarisht thuhet se Forcat e Ndërhyrjes së Shpejtë do kryejnë kontrolle pa afat. Kjo mënyrë kontrollesh të befta, e cila thuhet se përdoret edhe në Gjermani, shpresohet të parandalojë ngjarjet kriminale.
Top Channel
