Arrestohet kryekomunari i Stravajt
03/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Arrestohet kryetari i Komunës Stravaj në rrethin e Librazhdit, me akuzën e shpërdorimit të detyrës.
44-vjeçari Arjan Zeneli u vu në pranga, pas një hetimi të gjatë nga strukturat e krimit ekonomiko-financiar në Drejtorinë e Policisë së qarkut Elbasan.
Siç bëhet e ditur nga policia, Zeneli ka mashtruar me subvencionet e shtetit, duke përfituar shuma të konsiderueshme parash.
Policia sqaron se aktivitetin e paligjshëm kryetari i Komunës Stravaj e ka kryer në bashkëpunim me tre punonjës të tjerë të Komunës, të cilët janë shpallur në kërkim.
Emrat e tyre nuk bëhen të ditur për arsye hetimi. Gjithashtu, po në kuadër të operacionit policor “Strainiku”, u arrestua administratori i firmës “Shqiponja06”, Petref Vreto, 38 vjeç, i cili dyshohet se ka shpërdoruar dhe përfituar kontributet e dhëna nga shteti.
Top Channel
