Arrestohet kryekomunari i Bërzhitës
03/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Arrestohet kryetari i komunës Bërzhitë, Genc Drita dhe shefi i Tatimeve të kësaj komune nën akuzën e korrupsionit pasi i kanë marrë një personi 4500 euro për dhënien e lejes së shfrytëzimit.
Ka qenë një hetim i Prokurorisë së Krimeve të Rënda, i pari pas ndryshimeve në Kodin Penal, ku kjo vepër i kalon këtij institucioni, i cili ka provuar se këta dy persona janë përfshirë në një aferë korruptive.
Burime zyrtare nga organi i akuzës bëjnë të ditur se shefi i Tatimeve, identiteti i të cilit ende nuk bëhet i ditur, është arrestuar në kushtet e flagrancës me shumën e 4500 eurove, por nga përdorimi i metodave speciale është arritur të dokumentohet se ka qenë kryekomunari Drita ai që ka kërkuar këtë shumë parash.
Prej disa orësh Genc Drita është duke u marrë në pyetje në Drejtorinë e Policisë së Tiranës lidhur me zbardhjen e plotë të kësaj afere korruptive.
Top Channel
