Shkatërrohet rrjeti i prostitucionit
02/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Policia e Durrësit ka ndërmarrë në orët e para të mëngjesit të sotëm një operacion për asgjesimin e një rrjeti prostitucioni që vepronte në një nga zonat e qytetit bregdetar.
Gjatë ekzekutimit të tij janë arrestuar shtatë persona, ndërsa një i tetë është shpallur në kërkim dhe 5 të tjerë do të hetohen në gjendje të lirë.
Personat e arrestuar gjatë këtij operacioni, të koduar me emrin “Klienti”, janë katër meshkuj të moshave nga 17 në 24 vjeç dhe tre femra, të moshave nga 17 në 31 vjeç, të gjithë nga qyteti i Durrësit.
Muajin e kaluar, me një operacion të ngjashëm ishte policia e Sarandës që shpërbëu një grup përgjegjës për shfrytëzim prostitucioni.
Operacioni i koduar me emrin “Shkëndija” u krye nga strukturat e anti-krimit, të cilat vunë në pranga pesë persona. Drejtues i këtij rrjeti ishte shtetasi Kostaq Gjini, 38 vjeç, i cili në hotelin e tij u ofronte klientëve shërbime nga disa femra, të cilat gjithashtu u arrestuan.
Mes të arrestuarve ishte gjithashtu bashkëpunëtorja e Gjinit, një grua 68-vjeçare njëkohësisht bashkëpronare e hotelit, si dhe një tjetër në moshë më të re, e dënuar më parë për prostitucion.
Arrestimet u kryen për veprat penale të “shfrytëzimit të prostitucionit” dhe “përdorimit të ambjenteve për aktivitete të paligjshme”.
Top Channel
