Policia: Ka rënë numri i krimeve
01/09/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Numri i vrasjeve për korrikun, i krahasuar me një vit më parë, është ulur në 61.5 për qind. Në buletinin e përmuajshëm që publikon Ministria e Brendshme, krimi i vrasjes rezulton të jetë ulur më shumë nga të gjithë treguesit e tjerë.
Gjatë muajit korrik 2014 janë evidentuar 5 vrasje, nga të cilat 3 janë brenda familjes. Një vit më parë në korrik u regjistruan 13 vrasje, ku humbën jetën 15 persona, me tre prej tyre që ishin vrasje të dyfishta.
Një vit më parë njëra prej vrasjeve ishte gjatë kryerjes së vjedhjes. Gjithashtu, një ulje drastike të krimeve u evidentua edhe në atë të vjedhjes me armë. Vetëm një e tillë ndodhi në muajin korrik, ndërsa shtatë një vit më parë.
Ne total gjatë muajit korrik u evidentuan 319 vepra penale, nga të cilat, sipas buletinit, 389 persona të përfshirë në veprimtari kriminale janë arrestuar, me një zbulueshmëri të autorëve të veprave penale që shkon në 96 për qind.
Një rënie të thekesuar kanë pësuar aksidentet rrugore. Shifra sipas statistikave të Ministrisë së Brendshme tregon 33 për qind. Në korrikun e 2014-s është regjistruar një ndër shifrat më të ulëta të aksidenteve në dhjetë vitet e fundit.
Në buletin thuhet se, aksidentet rrugore me pasojë vdekjen kanë shënuar rënie me 33.3%, aksidentet me plagosje të rëndë kanë pësuar rënie me 60.97% dhe aksidentet në total janë ulur me 23.07%.
Policia rrugore ka vënë dyfishin e gjobave. Nga 27 mijë e 694 të regjistrua një vit më parë në një numër rekord gjobash të vendosura brenda një muaji 54 mijë e 981.
Top Channel
