Një venezueliane 43 vjeç që udhëtonte drejt Kolumbisë është arrestuar në aeroportin e Madridit për trafik droge. Gruaja kishte fshehur 1.7 kg kokainë në protezat e implantuara të silikonit. Një fshehje e tillë nuk ishte vënë re më përpara . Por rrugët e trafikimit të drogës duket se po bëhen gjithmonë edhe më shumë misterioze.
Siç referon e përditshmja spanjolle “El Pais” gruaja ishte vënë re nga policia e kufirit për sjelljen e saj paksa të tensionuar. Pasagjerja pasi kishte kaluar bagazhet ishte marrë në pyetje dhe ka rrëfyer në mënyrë dëshpëruese se kishte implantuar në gjinjtë e saj proteza silikoni të mbushura me kokainë. Menjëherë duke patur parasysh edhe rrezikshmërinë që kishin këto proteza për shëndetin e saj, 43 vjeçarja u transferua në një spital të Madridit, ku u realizua operacioni për heqjen e tyre.
Top Channel