Vidhnin makina, tre në pranga
15/08/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Tre persona janë arrestuar nga Policia e Tiranës pas një pune intensive disa mujore, për vjedhje automjetesh në disa qytete të vendit.
Në bashkëpunim me Policinë e Lezhës, është bërë i mundur identifikimi dhe më pas arrestimi i shtetasve, Marjan Toma i dënuar më parë në Itali për vjedhje në Itali, Tonin Leka si dhe Fatmir Gjoni të tre banues në Kallmet.
Sipas policisë nga vijimësia e hetimeve ka rezultuar se shtetasit Fatmir Gjoni dhe Marjo Toma, dyshohet se kanë bashkëpunuar edhe me shtetasin Tonin Gjoni, i cili realizonte çmontimin e automjeteve të vjedhura dhe më pas i dërgonin ato në një servis, me qëllim shitjen e tyre si pjesë këmbimi.
Aktualisht nga strukturat e policisë është dokumentuar tërësisht implikimi dhe mekanizmi i realizimit të disa vjedhjeve të automjete në Tiranë, Durrësit, Laç, Mamurras, Shëngjin si dhe ne qytetin e Lezhës.
Në ngarkim të 28-vjeçarit Toma, Gjykata e Tiranës në qershor ka caktuar në mungesë masën e sigurisë “Arrest me burg”, për veprën penale të “Vjedhjes” kryer në bashkëpunim.
Top Channel
