Armëpushimi mes Izraelit dhe Autoritetit Palestinez ka bërë të mundur rifillimin e një jete normale në Lindjen e Mesme.
Shumica e izraelitëve janë fotografuar duke bërë plazh në qytetin jugor të Ashkelonit, i cili më herët kishte qenë subjekt i një breshërie raketash nga Hamasi.
Ndërkaq, palestinezët janë kthyer në Rripin e Gazës për të parë se ç’ka mbetur nga shtëpitë e tyre pas luftës.
Dy popujt, edhe pse e kanë nisur ndryshe nga njëri-tjetri përpjekjen e një jetese të re, duken më të qetë pasi delegacionet përfaqësuese të tyre ndodhen në Kajro për të dakordësuar një armëpushim më të gjatë mes tyre.
Analistët, të cilët e kanë ndjekur në vazhdimësi çështjen delikate të konfliktit në Lindjen e Mesme, e kanë cilësuar si “kontrast të pastër” jetën paralele të dy popujve, sepse sipas tyre Izraeli do të ketë më të thjeshtë rifillimin.
Megjithatë, mëngjesin e ditës së martë, rrugët e Gazës u mbushën me nxënës të gjimnazeve që iu drejtuan shkollave të tyre për të marrë çertifikatat e diplomimit.
Shpresat për t’i dhënë fund gjakderdhjes në rajon janë rritur pasi në Kajro janë rritur gjasat për arritjen e një marrëveshjeje më të qëndrueshme dhe gjithëpërfshirëse.
Top Channel
