Banorët kundër ndotjes nga nafta
11/08/2014 00:00
Doli dje nga burgu pasi përfitoi nga amnistia, përfundon liria për “Buzëderrin”… arrestohet sërish sot në Vlorë 25/04 12:39
Dhjetra banorë tw Bashkisë Patos dhe komunës Portëz kanë bllokuar rrugën Fier-Ballsh për rreth një orë.
Ata kërkojnë marrjen e masave për reduktimin e ndotjes nga teknologjia e nxjerrjes së naftës në këtë zonë.
Sipas tyre, kompania private që administron puset e naftës nuk po respekton kontratën, që ka lidhur me shtetin shqiptar, ku thuhet se duhet të marrë masa mbrojtëse për të reduktuar ndotjen e territorit, ku ushtron aktivitetin naftënxjerrës.
Banorët thonë se, jo vetëm ajri, por edhe tokat dhe uji janë të mbingarkuara me mbetje të naftës.
Pushteti vendor nuk i është përgjigjur ankesave të banorëve për ndotjen. Në këto kushte, ata kërcënojnë se do të vazhdojnë bllokimin e rrugës Fier-Ballsh, deri në plotësimin e kërkesave të tyre.
Top Channel
