Opozita akuzoi qeverinë se përveç dhurimit të 95 milion eurove, marrëveshja me CEZ-in çoi në amnistinë e të gjithë akuzave të ngritura ndaj drejtusve dhe nëpunësve të CEZ-it për vjedhjen që kishin bërë ndaj qytetarëve shqiptarë me faturimet abuzive.
“Deri me tani u kemi faktuar shqiptarëve se marreveshja e qeverisë Rama me kompaninë CEZ as. është firmosur në mungesë të plotë të transparences, si dhe ne kundërshim të plotë me ligjin dhe interesin e Shqipërisë dhe shqiptarëve. Sot duam të bëjmë me dije se përvec skandalit financiar dhe politik, me anë të kesaj marreveshjeje, i është dhënë amnistia e plote te gjithë punonjesve të CEZ, nga pozicioni me i larte deri tek me i ulti, për abuzimet e shperdorimet e renda me detyrën. Marrëveshja është një amnisti mbi evazionin fiskal të dëshmuar tashmë, mbi mashtrimet me bilancin e kompanise dhe bërjen e pagesave të paligjshme. Partia Demokratike i bën të ditur sot opinionit publikut, se nuk ka për të pasur falje për askënd që ka shkelur ligjin, ka shpërdoruar detyrën, dhe që i ka kushtuar familjeve dhe ekonomisë së vendit me dëm me keqadministrimin që i është bërë CEZ. Ne do të ndjekim cdo hap ligjor që të bëhet drejtësi për marrëveshjen skandaloze të qeverisë me CEZ që është vjedhja e shekullit”, tha Halimi.
Në një tjetër reagim publik, opozita akuzoi qeverinë për rritjen e shkallës së kriminalitetit, si pasojë e shkatërrimit të Policisë së Shtetit.
“Për 24 orë, vrasje në Vlorë, vrasje dhe plagosje në Tropojë, atentat në Shkodër. Viktima nga aksidentet. Kryeministri që shkatërroi policinë e shtetit, me ministrin e tij të paaftë, nuk dihet se ku ngrohen në diell. Kanë lënë vendin në kaos, pasiguria në kulmin e vet, dhe Edi Rama e Saimiri i tij krekosen për sukseset që ndodhin vetëm në kokën e tyre”, tha deputeti demokrat, Arben Ristani.
Top Channel
