Elbasan, aksidentohet 70-vjeçarja
14/07/2014 00:00
Një aksident rrugor me pasojë vdekjen e një kalimtareje është shënuar mesditën e së hënës në aksin Elbasan-Peqin, pranë fshatit Bishqem.
Një makinë tip Wolksvagen ka goditur shtetasen Hurma Salla, rreth 70 vjeç, duke e lënë të vdekur në vend. Sipas dëshmitarëve në vendin e ngjarjes, viktima është marrë zvarrë nga mjeti për rreth 15 metra, ndërsa më pas drejtuesi është larguar me shpejtësi nga vendi i ngjarjes.
Policia nga ana e saj po vijon hetimet për të zbardhur të plota shkaqet e ngjarjes, ndërkohë që është vënë në kërkim të drejtuesit të mjetit.
Top Channel