Lazarat, sekuestrohen sasi të tjera hashashi
04/07/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Kontrollet shtëpi më shtëpi në Lazarat po nxjerrin në dritë sasi të mëdha hashashi që kultivuesit kanë fshehur.
Policia ka zbuluar një çisternë uji të mbushur me lëndë narkotike. Në çisternën e ujit ishin fshehur 2 ton e 430 kg hashash.
Bëhet e ditur se lënda narkotike e gjetur në çisternë do të asgjesohet me djegie.
Në një banesë ishte krijuar një bodrum i nëndheshëm me një hyrje të maskuar ku ndodhej një sasi prej 383 kilogramë hashashi e futur në 9 fuçi plastike.
Bodrumi ishte krijuar për tharjen e lëndës narkotike, por edhe për fshehjen e saj.
I zoti i shtëpisë ku u gjet droga në Lazarat është shpallur në kërkim nga ana e policisë me akuzën e prodhimit dhe shitjes së lëndës narkotike.
Gjithashtu, në banesën e tij u gjetën edhe dy makineri lojërash fati për të cilat u ngrit një tjetër akuzë.
Top Channel
