“Santo”, RENEA në Fushë Kuqe

Për këtë arsye, një operacion i mbështetur nga forcat special RENEA nisi mëngjesin e së enjtes në këtë zonë, por që nuk dhanë rezultat. Herët në mëngjes, një operacion i drejtuar nga numri dy i Policisë së Shtetit u ndërmor në zonën e Fushë-Kuqes me qëllim kontrolllin e disa banesave të dyshuara ku mund të gjendej ndonjë provë e mundshme që ta lidhte me krimin e Tiranës.

Në ndihmë të këtij operacioni u angazhuan edhe një pjesë e madhe e forcave policore të Drejtorisë së Policisë së Qarkut Lezhë. Zona u rrethua herët në mëngjes dhe u ngritën postblloqe për të bllokuar ndonjë tentativë të mundshme largimi të ndonjë të dyshuari.

Masat e rrepta policore u ndërmorën për shkak se disa të dhëna operative tregonin se motori tip Suzuki u fsheh mesditën e 26 qershorit në këtë zonë, por informacionet nuk shpjegonin se në cilën nga banesat mund të ishin strehuar të kërkuarit apo edhe të kishin fshehur ndonjë provë të krimit.

Pas një kontrolli të imtësishëm, policia u largua nga zona, por sërish ajo mbetet e bindur se kjo është një nga zonat nga ku u nisën dhe fshehën atentatorët e krimit më të rëndë të ndodhur gjatë këtij viti në Shqipëri.

Bankieri Santo u ekzekutua javën e shkuar në Tiranë, pak para se të hynte në zyrën e tij në zonën e ish-bllokut, në godinën qendrore të bankës “Credins”.  

Top Channel