Hetimi për serverin e Tatimeve
18/06/2014 00:00
“Më i ndershmi në këtë qeveri, një ka qenë, vetëm Braçe”, Leskaj replika me deputetin e PS: Ne vijmë me akuza konkrete, qeveria bën demagogji 02/05 18:15
Opozita shfaqi sërish të mërkurën shqetësimin e saj për moszbatimin nga ana e mazhorancës në Kuvend të vendimit të Gjykatës Kushtetuese për ngritjen e komisionit hetimor në lidhje me atë që e quan ‘skandal me serverin e tatimeve’ dhe vjedhjen e të dhënave tatimore të bizneseve.
Partia Demokratike thotë se është përgjegjësi direkte e kryetarit të Kuvendit mospërfshirja e vendimit në rendin e ditës së Parlamentit prej gati dy javësh.
“Refuzimi me arrogancë i zbatimit të vendimit të Gjykatës Kushetutese është në vetëvete një tjetër skandal. Qeveria, Kuvendi e gjithë mazhoranca janë kapur në një krim kushtetues dhe vazhdojnë me arrogancë në rrugën e antiligjit dhe antikushtetushmërisë.
Por Partia Demokratike nuk do të tërhiqet. Ne do të bëjmë gjithçka që Kushtetuta të zbatohet, që e vërteta e vjedhjes së të dhënave tatimore të dalë në dritë të diellit.
Ndaj dhe i kërkojmë edhe njëherë kryetarit të Kuvendit që menjeherë të përfshijë në rendin e ditës nesër, ekzekutimin e vendimit të Gjykatës Kushtetutese.
Çdo vonesë e mëtejshme, çdo shkelje e mëtejshme e Kushtetutës vetëm sa implikon edhe më tepër këtë mazhorancë”, deklaroi deputeti Eduard Halimi.
Top Channel
