SHBA, gruaja gjendet 10 vjet pas rrëmbimit

Nëna e gruas së rrëmbyer, atëherë një vajzë 15 vjeçare, kishte thënë në polici në gusht të vitit 2004 se vajza ishte larguar së bashku me të dashurin e saj, i identifikuar si Isidro Garcia.

Policia ka deklaruar se Garcia kishte abuzuar seksualisht me të para se të zhdukeshin. Pasi ishin larguar ai e kishte çuar vajzën në një shtëpi në Compton dhe e kishte mbyllur atë në garazh.

Në fillim Garcia e kishte mashtruar vajzën, duke i thënë se nëse do të përpiqej të shkonte në shtëpinë e saj prindërit do ta dëbonin. Më pas ata kishin punuar të dy në pastrimin e qytetit gjatë natës.  

“Pas abuzimit sistematik, fizik dhe mendor, viktima nuk ka pasur rrugëdalje dhe ka jetuar për 10 vite me radhë me abuzuesin e saj”, ka thënë policia.

Rasti u zbulua pasi gruaja e rrëmbyer ka arritur të kontaktojë me motrën e saj nëpërmjet “Facebook-ut”.

41-vjeçari Isidro Garcia u arrestua gjatë së mërkurës dhe tani mbi të rëndojnë akuzat për rrëmbim, përdhunim dhe mashtrim, ka thënë policia.

Top Channel