Fier, protestë për tërmetin

Kompania në një njoftim të saj me këtë rast bën të ditur se, sipas Institutit Sizmiologjik Mesdhetar, tërmeti me fuqi 3.8 ballë ka rënë 4 kilometra në veri-perëndim të Fierit, në një zonë ku kompania nuk ka aktivitet.

Ndërsa Instituti Sizmiologjik Shqiptar njofton se tërmeti ka qenë me fuqi 4.2 të shkallës Rihter dhe se epiqendrën e ka pasur 12 kilometra në thellësi dhe 5.4 kilometra në juglindje të Roskovecit dhe 1.4 kilometra në verilindje të fshatit Krujan.

Lëkundjet e tokës kanë shkaktuar dëme në banesat e Zharrzës, ndërsa banorët shprehen të revoltuar si për kompaninë, ashtu edhe për institucionet shtetërore.

“Bankers na gënjeu, por edhe zëvendësministri që erdhi dhe na dha garanci. Sot shtëpitë tona prapë u tronditën nga tërmeti dhe u demtuan”, tha një prej banorëve.

Këshilltarët e komunës Zharrëz, të majtë e të djathtë, hynë para disa muajsh në një grevë urie në shenjë proteste për dëmtimin e banesave nga tërmetet.

Autoritetet shtetërore negociuan me ta, ndërsa njoftuan vendosjen e disa pikave për të kontrolluar tërmetet dhe për të dalë në përfundimin se kush është shkaktari i lëkundjeve, natyra apo operacionet e nxjerrjes së naftës nga kompania konçesionare.

Top Channel