CEZ aksion kundër vjedhjes së energjisë
26/02/2014 00:00
Klevis Qose lirohet nga detyra si drejtori i përgjithshëm i burgjeve, ja kush e merr vendin e tij 01/04 14:56
CEZ Shpërndarje do të nisë një aksion për t’i dhënë fund vjedhjes së
energjisë elektrike në pallatet e ngritura vitet e fundit, ndërtuesit e
të cilëve kanë shmangur detyrimin ligjor të lidhjes së kontratave me
banorët për furnizimin me energji.
Grupet e punës së CEZ do të identifikojnë dhe presin të gjitha lidhjet e paligjshme të konsumatorëve që shpenzojnë energji elektrike pa e paguar atë. Kompania u bën apel të gjithë pronarëve të pallateve të reja të garantojnë infrastrukturën e kërkuar sipas ligjit për furnizimin me energji elektrike të banorëve. Gjithashtu u kërkon qytetarëve të paraqiten pranë sporteleve të CEZ, për t’u njohur me afatet dhe dokumentacionin që duhet të plotësojnë për të legjitimuar raportin me kompaninë e shpërndarjes.
CEZ Shperndarje deklaron se aksioni do të shtrihet në të gjithë vendin dhe se nuk do të tolerojë asnjë rast të vjedhjes së energjise elektrike.
Top Channel
