Lajmet më të mira të javës

Në ditë festash ai përpiqet t’i bëjë të pastrehët të ndihen më mirë, t’u
ofrojë atyre një copëz nga tavolina e një feste. Ndaj edhe ka zgjedhur
që në çdo ditë feste të shpërndajë kuti dhuratash për njerëzit e rrugës,
ata që nuk kanë një familje dhe një tavolinë për të buzëqeshur në këto
ditë.

Një zjarrfikës në Kinë është shndërruar në heroin e ditës, pasi ka shpëtuar nga vdekja një grua, e cila u hodh nga dritarja e shtëpisë së saj, në katin e pestë të një pallati.  Pas një grindjeje në familje, gruaja ka tentuar të vetëvritet duke u hedhur nga dritarja, por zjarrfikësi i lidhur nga lart e kap atë në fluturim, duke shmangur një tragjedi të mundshme. Pamjet menjëherë kanë bërë xhiron e botës duke u bërë ndër më të shikuarat.

I papunë, në borxhe dhe prej një viti duke jetuar në rrugë në Hungari, Laszlo Andraschek harxhoi monedhat e tij të fundit në një biletë llotarie. Tani njeriu i pastrehë është fituesi më i madh i një llotarie në Hungari, me rreth 1.7 milion Euro. Por, ai ka vendosur që këto para të mos i mbajë për vete. 55-vjecari ka në plan për të përdorur fitimet e tij për të krijuar një qendër për personat e alkolizuar dhe gratë e dhunuara. Shpirtmadhësia e tij ka fituar vëmendje mjaft të madhe të mediave në Europë.

Një burrë në Minesota kishte parë një foto në “Facebook” ku dy drerë ishin rrëzuar në sipërfaqen e një liqeni të ngrirë. James së bashku me babain e tij ndërmorën një fushatë shpëtimi. James dhe babai i tij u bënë heronj duke përdorur mjetet e tyre për të shpëtuar kafshët e bllokuara aty prej dy ditësh.

Top Channel