I dehuri tenton vetëvrasjen
13/01/2014 00:00
Sezoni turistik në prag, pala greke zgjat orarin për kalimet në pikën kufitare të Qafë Botës 10/05 21:59
Një person ka tentuar të vetëvritet, duke kërcënuar me hedhje nga
lartësia, po ndërhyrja në kohë e shërbimeve të policisë ka bërë të
mundur shpëtimin e tij.
Ngjarja ndodhi paraditen e së hënës, në lagjen numër 5 të qytetit bregdetar, në afërsi të ish-rajonit të policisë.
Paraprakisht deklarohet se pas një sherri me bashkëshorten dhe në gjendje të dehur një nga banorët e pallatit 5-katësh, shtetasi Sheme D.është varur në tubacion shkarkues të ujërave të taracës duke kërcënuar se do t’i japë fund jetës.
Negocimi i uniformave blu me të ka qenë pozitiv, po pas kthimit në banesë shërbimet e kanë shoqëruar në komisariat për të marrë deklaratën e tij mbi ngjarjen. Nga dëshmitë e familjarëve dhe të afërmve dyshohet se personi ka dhe probleme të shëndetit mendor.
Top Channel
