Durrës, makina e përdorur nga grabitësit, e vjedhur
09/01/2014 00:00
Makina fuoristradë e tipit Range Rover, me ngjyrë të bardhë, me targa
angleze, e përdorur nga grabitësit e 2 kambistëve disa ditë më parë në
Durrës rezulton të jetë e vjedhur vitin e shkuar në Sukth.
Denoncimi për grabitjen e saj ishte bërë në polici nga pronari i automjetit, identiteti i të cilit nuk bëhet me dije për arsye hetimore.
Automjeti i përdorur nga grabitësit u gjet ditën e djeshme në Laç, i braktisur në një rrugicë të fshatit Adriatik.
Nga ana e saj policia vijon hetimet lidhur me grabitjen e rreth 100 mijë USD dy kambistëve Rajmond Çollaku, Arben Çuni në Durrës, ndërkohë që deri tani janë shoqëruar mbi 20 persona që mund të kenë dijeni për ngjarjen.
Top Channel