Ungji i Jong-un u shqye nga qentë
03/01/2014 00:00
Zyrtarët izraelitë akuza: Hamasi vjedh ndihmat humanitare në Gaza! Pamjet bëjnë xhiron e rrjetit 24/05 15:50
Në ditët e para të dhjetorit që kaloi, nga Koreja e Veriut mbërriti lajmin për ekzekutimin e Jan Song-Thaek, ungji i diktatorit Kim Jong-un, që deri në ato momente konsiderohej si dora e vërtetë e pushtetit dhe i paprekshëm.
Ekzekutimi i tij bëri që shumë media ndërkombëtare të flasin për paparashikueshmërinë e regjimit në vendin më të izoluar të botës si dhe të rriten tensionet në rajon.
Përvec cilësimit si të “korruptuar” asnjë detaj në lidhje me ekzekutimin e Song-Thaek nuk u bë publik. Sot, kur ka kaluar thuajse një muaj që nga dhënia e lajmit për ekzekutimin e tij, mediat në Hong-Kong flasin për një skenar horror.
Sipas tyre Kim Jong-un ekzekutoi ungjin e tij në mënyrën më të tmerrshme të mundshme. Ai u mbyll në një kafaz së bashku me 120 qen të uritur duke u shqyer prej tyre.
Askush nuk mund të konfirmojë këto pretendime, por ekzekutimet e mëherëshme të një grupi gjeneralësh që u vendosën para artilerisë së rëndë duke u zhdukur ‘nam e nishan’ rrisin mundësitë që gjithcka të jetë e vërtetë edhe mbi fatin e Song-Thaek.
Top Channel
