Krimi Ekonomik, jepen masat për 38 policë
03/11/2013 00:00
Jeta e dyfishtë e Roan Brahimit! Veç gruas që u përfshi në atentatin mafioz, familja tjetër e priste në Shqipëri 10/05 23:05
Pas shqyrtimit dhe verifikimit të shkeljeve të punonjësve të policisë, në sektorin kundër Krimit Ekonomik, u dhanë masa të rënda për 21 prej tyre dhe masa të lehta për 17 të tjerë, për shkak të mos reagimit ndaj fenomenit të kazinove të palicencuara.
Drejtoria e Përgjithshme e Policisë përfundoi verifikimet për 80 punonjësit e këtij sektori, që u shkri pak ditë më parë nga ministri i Brendshëm.
Në përfundim të analizës së bërë rezultuan mangësi në grumbullimin e informacioneve policore, mangësi në dosjet përkatëse për këtë aktivitet të paligjshëm, mungesë shkëmbimi informacioni me agjencitë e tjera ligjzbatuese, në funksion të goditjes së veprimtarisë së paligjshme të lojrave të fatit.
Për 21 punonjës u dha masa “përjashtim nga Policia e Shtetit”, “ulje në gradë për një vit”, “pezullim pa pagesë”, “shtyrje e afatit të gradimit për 1 vit”. Ndërkohë që për 17 të tjerë u dhanë masa më të lehta “vërejtje me paralajmërim” dhe “gjobë sa paga e punonjësit në 5 ditë pune”.
Top Channel
